Պարգևատրման արարողություն Բնակարանային հարցերի կոմիտեում

Այսօր ԱՀ բնակարանային հարցերի կոմիտեի նախագահ Արմեն Մանգասարյանը շնորհակալագրեր ու նվերներ է հանձնել սույն թվականի օգոստոս ամսին կոմիտեի աշխատանքներին կամավորական հիմունքներով առավելագույնս աջակցած մի խումբ կամավորների:

Ողջունելով ներկաներին՝ Ա. Մանգասարյանը բարձր է գնահատել կամավորների` 44-օրյա պատերազմի հետևանքով տուժած ընտանիքների և այլ սոցիալական խմբերի բնակարանային ապահովման աշխատանքներին աջակցելու պատրաստակամությունը:

Կոմիտեի նախագահը հույս է հայտնել, որ ստեղծված կապն ամուր կմնա, ու հետագայում նույնպես կամավորները կընգրկվեն կոմիտեի աշխատանքային գործընթացում:

Հանդիպմանը մասնակցել է նաև կոմիտեի աշխատակազմի ղեկավար Լիանա Ավանեսյանը: