Հայտարարություն

Արցախի Հանրապետության բնակարանային հարցերի կոմիտեի աշխատակազմը հայտարարում է մրցույթ` ԱՀ Բնակարանային հարցերի կոմիտեի աշխատակազմի բնակարանային քաղաքականության և ծրագրերի իրականացման վարչության բնակարանային քաղաքականության բաժնի առաջին կարգի մասնագետի (կոդ՝ 35-4.1-1) թափուր պաշտոնը զբաղեցնելու համար:

Դիմող ԱՀ քաղաքացիները պետք է  10 աշխատանքային օրվա ընթացքում ներկայացնեն հետևյալ փաստաթղթերը.

1. Դիմում (լրացվում է փաստաթղթերը ներկայացնելիս).
2. Քաղաքացիական ծառայության տվյալ պաշտոնի անձնագրով այդ պաշտոնը զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջների բավարարումը հաստատող փաստաթղթերի` դիպլոմի (դիպլոմների), աշխատանքային գրքույկի պատճենը` բնօրինակների հետ միասին.
3. Արական սեռի անձիք` նաև զինգրքույկի կամ դրան փոխարինող ժամանակավոր և զորակոչային տեղամասային կցագրման վկայականի պատճենը` բնօրինակների հետ միասին կամ համապատասխան տեղեկանք.
4. Մեկ գունավոր լուսանկար` 3x4 սմ չափսի.
5. Անձնագրի պատճենը (առաջին և գրանցման էջերով).
6. Հանրային ծառայությունների համարանիշի պատճենը:

Քաղաքացիական ծառայության թափուր պաշտոնը զբաղեցնելու համար կարող են դիմել միայն բարձրագույն կրթություն և գործող հավաստագիր ունեցող քաղաքացիները:

Լրացուցիչ տեղեկություններ ստանալու, ինչպես նաև պաշտոնի անձնագրին և հարցաշարին ծանոթանալու համար կարող են դիմել ԱՀ բնակարանային հարցերի կոմիտեի աշխատակազմի քարտուղարություն (հեռ.՝ 047922006):